బహ్రెయిన్‌: లులు హైపర్ మార్కెట్, పూర్తిగా మహిళా సిబ్బందితో నడిచే తొలి స్టోర్‌ని బహ్రెయిన్‌లో ప్రారంభిస్తోంది. 2000 చదరపు మీటర్ల వైశాల్యంలో దనత్ అల్ లాజ్వి ప్రాంతంలో (హమాద్ టౌన్) దీన్ని ఏర్పాటు చేశారు. కూరగాయలు, మీట్ అలాగే గ్రాసరీ ప్రోడక్టులు వంటివి ఇక్కడ సరసమైన ధరల్లో లభిస్తాయి. గతంలో ఈ తరహా కాన్సెప్టుతో సౌదీ అరేబియాలో స్టోర్ ప్రారంభించినట్లు నిర్వాహకులు తెలిపారు. లులు గ్రూప్ రెండు హైపర్ మార్కెట్లు, రెండు షాపింగ్ సెంటర్లను బహ్రెయిన్‌లో నిర్వహిస్తోంది. మొత్తంగా 3000 మందికి ఉపాధి కల్పిస్తున్నారు. అందులో 40 శాతం మంది బహ్రెయినీలకు ఉద్యోగాలిస్తున్నారు.