కువైట్: పదవ ఎడిషన్ కువైట్ మోటర్ షో 2022 బుధవారం 360 మాల్ వద్ద ప్రారంభమైంది. కువైట్ మినిస్టర్ ఆఫ్ పబ్లిక్ వర్క్స్ మరియు మినిస్టర్ ఆఫ్ ఎలక్ట్రిసిటీ, వాటర్ మరియు రెన్యువబుల్ ఎనర్జీ అలి అల్ మౌసా ఈ కార్యక్రమాన్ని ప్రారంభించారు. అంతర్జాతీయ ఆటోమొబైల్ కంపెనీల ప్రతినిథులు, వివిధ దేశాలకు చెందిన రాయబారులు, కార్ల పట్ల ఆసక్తి వున్నవారు ఈ కార్యక్రమానికి హాజరయ్యారు. ఆగస్ట్ 1 వరకు ఈ షో కొనసాగుతుంది. వివిధ రకాలైన బ్రాండ్లకు చెందిన అత్యాధునిక కార్లు ఇక్కడ అందుబాటులో వుంటాయి. కోవిడ్ పాండమిక్ నేపథ్యంలో రెండేళ్ళపాటు ఈ షో నిర్వహించలేకపోయారు. 150కి పైగా కార్లు, మోటర్ బైక్‌లు ఈ షోలో ప్రదర్శనకు వుంచుతారు. అమెరికా, యూరోప్, జపాన్, చైనా మరియు కొరియా తదితర దేశాలకు చెందిన కార్ల సంస్థలు ఇక్కడ తమ ఉత్పత్తుల్ని ప్రదర్శనకు వుంచాయి.