యూఏఈ: పవిత్ర రమదాన్ మాసంలో ఉపవాస సమయాల్లో ఆహారం అందించడానికి దుబాయ్‌లోని రెస్టారెంట్‌లకు ముందస్తు అనుమతి అవసరం లేదు. ఈ మేరకు దుబాయ్‌లోని డిపార్ట్‌మెంట్ ఆఫ్ ఎకానమీ అండ్ టూరిజం (డీఈటీ) సర్క్యులర్‌ను విడుదల చేసింది. ఫుడ్ కోర్టులలో ఉన్న రెస్టారెంట్‌లు, కేఫ్‌లు తమ వ్యాపారాన్ని యథావిధిగా నిర్వహించాలని, పగటిపూట ఆహారాన్ని అందించడానికి స్క్రీన్‌లు లేదా కర్టెన్‌లను ఉంచాల్సిన అవసరం లేదని సర్క్యూలర్ లో పేర్కొన్నారు. ఎమిరేట్‌లోని రెస్టారెంట్‌లు గత సంవత్సరం మార్గదర్శకాలకు అనుగుణంగా ఉపవాస సమయాల్లో ఆహారాన్ని అందించడానికి కర్టెన్‌లను ఉంచాలా లేదా అని నిర్ణయించుకోవచ్చని సర్క్యులర్ పేర్కొంది. గత సంవత్సరం, దుబాయ్‌లోని రెస్టారెంట్లు రమదాన్ లో పగటిపూట కర్టెన్లు, డివైడర్‌లు లేదా ముందుభాగాలు కనబడకుండా కస్టమర్‌లకు సర్వీసులు అందించేందుకు అనుమతించారు.