యూఏఈ: ప్రయాణికులు, కుటుంబాలు, మహిళల కోసం Dh5 టాక్సీ సర్వీసును షార్జా రోడ్స్ అండ్ ట్రాన్స్ పోర్ట్ అథారిటీ(SRTA) ప్రారంభించింది. ఫ్యామిలీ ప్రయాణికులకు మెరుగైన సేవలను అందించేందుకు యత్నిస్తున్నట్లు SRTA ఉన్నతాధికారి ఒకరు తెలిపారు. సిటిజన్స్, రెసిడెంట్స్, టూరిస్టులకు అవసరమైన సర్వీసులు అందించేందుకు SRTA నిరంతరం కృషి చేస్తుందన్నారు. ఈ సర్వీసు Dh5 తో ప్రారంభం అవుతుందన్నారు. వెబ్‌సైట్ ద్వారా సర్వీసులను బుక్ చేసుకోవచ్చు. లేదా 600525252కు కాల్ చేసి సర్వీస్ ను బుక్ చేసుకోవచ్చు. ప్రభుత్వ విభాగాలు, ఆసుపత్రులు, హోటళ్లలో అందుబాటులో ఉన్న ఆటోమేటెడ్ పేజర్ పరికరం ద్వారా కూడా టాక్సీ సర్వీసులను పొందవచ్చని అధికారులు స్పష్టం చేశారు.