దుబాయ్‌లో కొత్తగా ఇంకొన్ని పార్కింగ్‌ జోన్స్‌ని ఏర్పాటు చేస్తున్నారు. ఎ, బి, ఇ మరియు ఎఫ్‌కి అదనంగా సి, డి జోన్స్‌ కొత్తగా ఏర్పాటవుతున్నాయి. రోడ్స్‌ మరియు ట్రాన్స్‌పోర్ట్‌ అథారిటీ వర్గాలు ఈ మేరకు ఈ విషయాన్ని ధృవీకరించాయి. ప్రస్తుతం ఉన్న ఎ, బి సీజనల్‌ కార్డ్స్‌ కొత్త జోన్లలో కూడా వర్తిస్తాయి. బి కేటగిరీ సీజనల్‌ కార్డ్స్‌ బి మరియు డి జోన్లలో ఉపయోగించుకోవచ్చు. ఎ సీజనల్‌ కార్డ్స్‌ ఎ, బి, సి, డి జోన్లలో వినియోగించుకోవడానికి అవకాశం ఉంది. కొత్త జోన్ల పార్కింగ్‌ పీజుపై ఇంకా ఎలాంటి అధికారిక నిర్ణయమూ జరిగినట్లు సమాచారం లేదు. సీజనల్‌ కార్డుల్లోనూ కొన్ని మార్పులు, చేర్పులు ఉండొచ్చు. జోన్‌ ఎ, జోన్‌ బి కోసం 3 నెలల సీజనల్‌ కార్డుల్ని ప్రస్తుతం ఆర్‌టిఏ అందుబాటులో ఉంచింది. మే 28 నుంచి 6 నెలలు, 12 నెలల వ్యవధితో కూడిన కార్డులు అందుబాటులో ఉంటాయి. జోన్‌ ఎ- స్ట్రీట్‌ పార్కింగ్‌, బి - ఆఫ్‌ స్ట్రీట్‌ పార్కింగ్‌ ఉండగా, ఇ- ఫిష్‌ మార్కెట్‌, ఎఫ్‌- టెకామ్‌ ఏరియా ఇన్‌ అల్‌ సుఫోహ్‌ 2గా ఇప్పటిదాకా ఉంది.