కువైట్: కువైట్ రియల్ ఎస్టేట్ కంపెనీ, ముబారకియా అగ్ని ప్రమాదం కారణంగా దెబ్బతిన్న దుకాణాలకు సంబంధించి దుకాణదారులకు ఓ మంచి అవకాశాన్ని ఇస్తున్నట్లు ప్రకటించింది. తమ కంపెనీకి సంబంధించిన ప్రాంతాల్లో ఆయా వ్యాపారులు తమ ఉత్పత్తుల్ని ప్రదర్శన మరియు అమ్మకానికి వుంచుకోవచ్చని వెల్లడించింది. కువైట్ రియల్ ఎస్టేట్ కంపెనీ రియల్ ఎస్టేట్ డెవలప్మెంట్ వైస్ ప్రెసిడెంట్ బదర్ అల్ హజ్రి మాట్లాడుతూ, ఏడాది పాటు ఆయా వ్యాపారులకు మానవీయ కోణంలో తక్కువ ధరలకే తమ షాపుల్ని ఇవ్వనున్నట్లు చెప్పారు. ఆరు నెలల వరకు ఉచితంగా గ్రేస్ పీరియడ్ కూడా ఇస్తారు. గత వారంలో సౌక్ ముబారకియా ప్రాంతంలో భారీ అగ్ని ప్రమాదం జరిగింది. ఈ క్రమంలో దుకాణాల యజమానులు తీవ్రంగా నష్టపోయారు.