మస్కట్ : బాషర్-అమెరత్ రహదారిపై బుధవారం మూడు వాహనాలు ఢీకొన్న ప్రమాదంలో ఇద్దరు వ్యక్తులు మరణించగా.. పలువురు గాయపడ్డారు. ఈ మేరకు మస్కట్ - రాయల్ ఒమన్ పోలీసులు తెలిపారు. ఈ ప్రమాదం కారణంగా రోడ్డుపై ఇరువైపులా భారీగా ట్రాఫిక్‌ నిలిచిపోయింది. మస్కట్‌లో పెరుగుతున్న ట్రాఫిక్ జామ్‌లకు పరిష్కారంగా మరిన్ని రహదారులను నిర్మించడానికి, అభివృద్ధి చేయడానికి ప్రభుత్వం సంవత్సరాలుగా ప్రయత్నిస్తూనే ఉంది. అయినా  బాషర్-అమెరత్ రహదారిపై ప్రమాదాలు జరుగుతూనే ఉన్నాయి. ఈ రహదారిపై ప్రమాదాలను నివారించేందుకు అత్యవసర ప్రాతిపదికన శాశ్వత పరిష్కారం ప్రత్యామ్నాయ రహదారి లేదా అమెరత్ -బాషర్ విలాయత్‌లను కలిపే సొరంగం నిర్మించాలని స్థానికి ప్రయాణికులు కోరుతున్నారు.