అబుదాబి:ప్రతికూల వాతావరణ పరిస్థితుల్లోనూ వేగ పరిమితులు వాహనదారులకు కన్పించేలా అబుదాబి పోలీసులు ఎమిరేట్ అంతటా ఇల్యూమినేటెడ్ ఇ-ప్యానెల్‌లు, కాషన్ బోర్డులను ఏర్పాటు చేశారు. వర్షం, బలమైన గాలులు, ఇసుక తుఫానులు, భారీ పొగమంచు సమయంలో వాహనదారులను సురక్షితమైన దూరం ఉంచాలని హెచ్చరించడానికి 80 కిమీ/గం ఫ్లాషింగ్ స్పీడ్ లిమిట్ ప్యానెల్స్ కూడా ఏర్పాటు చేసినట్లు అబుదాబి పోలీసులు తెలిపారు. ప్రమాదకర వాతావరణ పరిస్థితుల్లో అబుదాబి ఎమిరేట్‌లో ట్రాఫిక్ భద్రత కోసం జాయింట్ కమిటీ నిర్దేశించిన వేగ పరిమితులను పాటించాలని వాహనదారులను పోలీసులు కోరారు. ప్రమాద నివారణకు వాతావరణ సూచనలను గమనించాలని, నిపుణులు సూచించిన చర్యలకు కట్టుబడి ఉండాలని పిలుపునిచ్చారు.