కువైట్: కువైట్ ఫ్రైడే మార్కెట్‌లో ఏర్పాటు చేసిన ప్రత్యేక టేబుల్‌లో 11,200 మందికి పైగా ప్రజలు ఇఫ్తార్‌లో ఉపవాస దీక్ష విరమించారు. ఇందుకోసం అల్‌రాయ్‌లోని ఫ్రైడే మార్కెట్ లో పొడవైన ఇఫ్తార్ టేబుల్‌ను ఏర్పాటు చేశారు. యువకులు, అనేక ప్రైవేట్ కంపెనీలు, రెస్టారెంట్ల సమన్వయంతో ఈ కార్యక్రమాన్ని నిర్వహించారు.  పొడవైన ఇఫ్తార్ టేబుల్ ఆలోచనను "హ్యూమానిటీ వాలంటీర్" టీమ్ లీడర్ అలీ సలాహ్ కరమ్ రూపొందించారు. ఇంతకుముందు సౌక్ ముబారకియా ఫ్రైడే మార్కెట్‌లో ఇలాంటి ఇఫ్తార్‌ను ఏర్పాటు చేశారు. అయితే ఈ సంవత్సరం 11,200 మందికి పైగా హాజరైన ఇఫ్తార్ ఇదే. ఫుడ్ బ్యాంక్, జంజామ్ మార్కెట్, "ఖధా అండ్ ఖుదౌద్" టీమ్, "కువైట్ ఇన్ అవర్ హార్ట్" టీమ్, ఫ్రైడే మార్కెట్ డిపార్ట్‌మెంట్, ఎమర్జెన్సీ సెంటర్, కమ్యూనిటీ డెవలప్‌మెంట్ అసోసియేషన్, ఇస్లామిక్ కేర్ అసోసియేషన్  అనేక స్వచ్ఛంద సంస్థలు, అనేక రెస్టారెంట్లు ఈ కార్యక్రమంలో స్వచ్ఛందంగా పాల్గొన్నాయి.