మస్కట్: బ్యాంక్ అకౌంట్లను తెరచేటప్పుడు, వాటిని వినియోగిస్తున్నప్పుడు అపరిచిత వ్యక్తుల ప్రమేయం లేకుండా చూసుకోవాలని రాయల్ ఒమన్ పోలీస్ హెచ్చరించింది. డైరెక్టరేట్ జనరల్ ఆఫ్ ఇంక్వైరీస్ మరియు క్రిమినల్ ఇన్వెస్టిగేషన్, మస్కట్ వెలుపల నుంచి కొందరు వ్యక్తులు మోసాలకు పాల్పడుతున్నట్లు గుర్తించామని పేర్కొంది. బ్యాంక్ అకౌంట్లను ఓపెన్ చేయాలనీ, వాటి వివరాలు తెలియజేయాలనీ మోసగాళ్ళు సూచిస్తున్నారని, ఆర్థిక సాయం పేరుతో ఈ వ్యవహారాలు నడుపుతున్నారని రాయల్ ఒమన్ పోలీస్ వివరించింది. అనుమానాస్పద వ్యక్తుల సమాచారాన్ని హాట్ లైన్ నెంబర్ 80077444 కి తెలియజేయాలని సూచించారు.