స్టైలిష్‌ స్టార్‌ అల్లు అర్జున్‌ తనయుడు అల్లు అయాన్‌ ఆదివారం రెండో పుట్టిన రోజు జరుపుకొన్నాడు. అయాన్‌ తొలి పుట్టినరోజును సింగపూర్‌లో జరిపిన అల్లు అర్జున్‌ రెండో బర్త్‌డేని దుబాయ్‌లో జరిపారు. ఈ సందర్భంగా అయాన్‌, స్నేహారెడ్డితో కలిసి దిగిన ఫొటోను ఆయన సోషల్‌మీడియా ద్వారా అభిమానులతో పంచుకున్నారు. తన కుమారుడికి జన్మదిన శుభాకాంక్షలు తెలుపుతున్నట్లు పేర్కొన్నారు. అదేవిధంగా అల్లు అర్జున్‌ తమ్ముడు అల్లు శిరీష్‌ కూడా ట్విట్టర్‌ ద్వారా అయాన్‌కు శుభాకాంక్షలు తెలిపారు. అల్లు అర్జున్‌, రకుల్‌ప్రీత్‌ సింగ్‌ జంటగా నటించిన 'సరైనోడు' చిత్రం త్వరలో ప్రేక్షకుల ముందుకు రానుంది.
బోయపాటి శ్రీను దర్శకత్వం వహించిన ఈ చిత్రాన్ని గీతా ఆర్ట్స్‌ పతాకంపై అల్లు అరవింద్‌ నిర్మించారు. థమన్‌ సంగీతం సమకూర్చారు.