యూఏఈ: యూఏఈ గోల్డెన్ వీసా స్కీమ్‌కి సంబంధించి కొన్ని సవరణలు చేయడం జరిగింది. వీటి ద్వారా లబ్దిదారులకు సంబంధించిన కేటగిరీలను విస్తరించారు. అలాగే అర్హత కేటగిరీల్లోనూ సులభతరమైన అంశాల్ని పొందుపరిచారు. వీసా పొందినవారు దేశం వెలుపల ఎన్నాళ్ళయినా వుండొచ్చు. అది వారి రెసిడెన్సీపై ప్రభావం చూపదు. 10 ఏళ్ళ రెసిడెన్సీ ఇన్వెస్టర్లకు, వ్యాపారవేత్తలకు, ప్రత్యేకమైన టాలెంట్స్ వున్నవారికి, సైంటిస్టులు, ప్రొఫెషనల్స్, ప్రతిభ గల విద్యార్థులకు అలాగే గ్రాడ్యుయేట్లకు, హ్యుమానిటేరియన్ పయోనీర్స్, ఫ్రంట్‌లైన్ హీరోస్.. ఈ కేటగిరీలో వుంటారు. సవరణల నేపథ్యంలో గోల్డెన్ వీసా కలిగినవారు తమ కుటుంబ సభ్యుల్ని స్పాన్సర్ చేసుకోవచ్చు.. వయసుతో సంబంధం లేకుండా. సంఖ్యతో సంబంధం లేకుండా సపోర్ట్ సర్వీసెస్ కోసం స్పాన్సర్ చేసుకోవచ్చు. గోల్డెన్ వీసా కలిగిన వ్యక్తి ప్రాణాలు కోల్పోతే వారి కుటుంబ సభ్యులు యూఏఈలో నివసించేందుకు అవకాశం కల్పిస్తారు.