బ‌హ్రెయిన్: వివాహమైనప్పటికీ 10 సంవత్సరాల పాటు దివంగత తండ్రి పెన్షన్‌ను పొందిన ఒక మ‌హిళ తీరును కోర్టు త‌ప్పుబ‌ట్టింది. జనరల్ ఆర్గనైజేషన్ ఫర్ సోషల్ ఇన్సూరెన్స్ (GOSI)కి స‌ద‌రు మహిళ BD18,000 రీఫండ్ చేయాలనే తీర్పును హై సివిల్ అప్పీల్స్ కోర్ట్ సమర్థించింది. ఆ మహిళ తండ్రి చనిపోయినప్పుడు, ఆమె అతని పెన్షన్‌కు అర్హమైనది. అయితే ఆమె వివాహం చేసుకుంటే పెన్ష‌న్ పొందేందుకు అర్హ‌త లేదు. కానీ త‌న పెండ్లి విష‌యాన్ని దాచిన స‌ద‌రు మ‌హిళ ప‌డేండ్ల పాటు తండ్రి పెన్ష‌న్ ను పొందింది. మోసాన్ని గుర్తించిన GOSI మహిళపై కోర్టులో కేసును దాఖలు చేసింది. ఆమె ఇప్ప‌టివ‌ర‌కు అందుకున్న పెన్ష‌న్‌ మొత్తాన్ని తిరిగి చెల్లించేలా ఆదేశాలు ఇవ్వాల‌ని కోర్టును కోరింది.