కువైట్: అంతర్గత మంత్రిత్వ శాఖ మే 8న లెబనీస్‌తో సహా వివిధ దేశాలకు ఫ్యామిలీ విజిట్ వీసాల జారీని ప్రారంభించబోతోంది. వీసాల జారీకి పాత నియమాలు, నిబంధనలు వర్తిస్తాయని ప్రకటించింది. ముఖ్యంగా కుటుంబానికి ఆతిథ్యం ఇవ్వడానికి స్పాన్సర్ జీతం సముచితంగా ఉండాలి. కోవిడ్-19 మహమ్మారి వ్యాప్తిని అరికట్టడానికి అప్ప‌ట్లో వీసాల జారీని నిలిపివేశారు. దాదాపు రెండు సంవత్సరాల త‌ర్వాత ఫ్యామిలీ విజిట్ వీసాల జారీని పునఃప్రారంభించారు. అయితే ఫ్యామిలీ విజిట్ వీసాకు ద‌ర‌ఖాస్తు చేసేవారు వ్యాక్సిన్ స‌ర్టిఫికేట్ల‌ను సమర్పించాల్సిన అవసరం ఉందా లేదా అనేది విష‌యాన్ని అంత‌ర్గ‌త మంత్రిత్వ శాఖ‌ స్పష్టం చేయలేదు.