ఒమ‌న్: అరబ్ ఫుడ్ సెక్యూరిటీ ఇండెక్స్‌లో ఒమన్ సుల్తానేట్ నాల్గవ స్థానంలో నిలిచింది. అలాగే ప్రపంచవ్యాప్తంగా 40వ స్థానంలో ఉంది. ఎకనామిస్ట్ ఇంపాక్ట్‌తో అనుబంధించబడిన 2021 సంవత్సరానికి సంబంధించిన గ్లోబల్ ఫుడ్ సెక్యూరిటీ ఇండెక్స్ తాజా ర్యాంకుల‌ను ప్ర‌క‌టించింది. 113 దేశాలలో ఆహార భద్రత ప్రాథమిక సమస్యలను గ్లోబ‌ల్ ఫుడ్ సెక్యూరిటీ ఇండెక్స్ ప‌రిగ‌ణ‌న‌లోకి తీసుకొని ర్యాంకుల‌ను ప్ర‌క‌టించింది. సమగ్రమైన, మంచి నిధులతో కూడిన జాతీయ ఆహార భద్రతా నికర కార్యక్రమాలు లేని దేశాలు అధిక స్థాయిలో పేద‌రికం, ఆక‌లిని కలిగి ఉన్నాయని తాజా డేటా స్ప‌ష్టం చేసింది.  అధిక దేశాల్లోని ప్ర‌జ‌లు నాణ్యమైన ప్రోటీన్, సూక్ష్మపోషకాల లోపాన్ని ఎదుర్కొంటున్నార‌ని, త్రాగునీటికి ఇబ్బందులు ఉన్నాయ‌ని  గ్లోబ‌ల్ ఫుడ్ సెక్యూరిటీ ఇండెక్స్ నివేదిక స్ప‌ష్టం చేసింది.