బహ్రెయిన్: 35 మైక్రాన్ల కంటే తక్కువ మందం కలిగిన సింగిల్ యూజ్ ప్లాస్టిక్ బ్యాగులను విక్రయించడం, తయారు చేయడం, చలామణి చేయడం, దిగుమతి చేసుకోవడాన్ని నిషేధిస్తూ బహ్రెయిన్ ఉత్తర్వులు జారీ చేసింది. ఈ ఉత్తర్వులు సెప్టెంబర్ 18 నుంచి అమల్లోకి రానున్నాయి. కాలుష్యాన్ని తగ్గించి పర్యావరణాన్ని సురక్షించే ప్రభుత్వ ప్రణాళికలకు అనుగుణంగా నిషేధాన్ని విధించినట్లు ప్రభుత్వం స్పష్టం చేసింది. 35 మైక్రాన్ల కంటే ఎక్కువ మందం ఉన్న సింగిల్ యూజ్ ప్లాస్టిక్ బ్యాగులు, వైద్య అవసరాల కోసం ఉపయోగించే సింగిల్ యూజ్ ప్లాస్టిక్ బ్యాగులు, ఎగుమతులకు ఉపయోగించే బ్యాగులను నిషేధం నుంచి మినహాయింపునిచ్చారు.