దుబాయ్: దివంగత షేక్ ఖలీఫా బిన్ జాయెద్ అల్ నహ్యాన్ సంతాప దినాల్లో భాగంగా  మూడు రోజుల పాటు పార్కింగ్ ఫీజును రద్దు చేసినట్లు దుబాయ్ ప్రకటించింది. ఆర్టీఏ ప్రకారం.. దుబాయ్‌లో పబ్లిక్ పార్కింగ్ మూడు రోజుల పాటు ఉచితంగా ఉంటుంది. దుబాయ్ వాహనదారులు మే 16 (సోమవారం) వరకు ఉచిత సేవ అమల్లో ఉంటుంది. మే 17( మంగళవారం)  నుంచి పార్కింగ్ ఫీజులు మళ్లీ యాక్టివేట్ అవుతాయి. దివంగత షేక్ ఖలీఫా బిన్ జాయెద్ అల్ నహ్యాన్‌కు సంతాప సూచికంగా మంత్రిత్వ శాఖలు, సమాఖ్య, స్థానిక విభాగాలు, ప్రైవేట్ సెక్టార్లకు సెలవులు ప్రకటించడంతో ఈ నిర్ణయం తీసుకున్నట్లు ఆర్టీఏ తెలిపింది. షార్జా నగరంలో ఉచిత పార్కింగ్ ను ఇదివరకే ప్రకటించిన విషయం తెలిసిందే.