కువైట్: దుమ్ము తుఫాను కారణంగా కువైట్ అంతర్జాతీయ విమానాశ్రయంలో రెండు గంటల పాటు నిలిచిపోయిన విమానాల రాకపోకలు స్థానిక కాలమానం ప్రకారం సాయంత్రం 5:50 గంటలకు తిరిగి సాధారణ స్థితికి చేరుకున్నాయని డైరెక్టరేట్ జనరల్ ఆఫ్ సివిల్ ఏవియేషన్ (DGCA) వెల్లడించింది. ఈ సమయంలో విమానాశ్రయానికి వచ్చే, బయలుదేరే విమానాలు రీషెడ్యూల్ చేయబడ్డాయని DGCA ఎయిర్ నావిగేషన్ సర్వీసెస్ అఫైర్స్ డిప్యూటీ డైరెక్టర్ జనరల్ ఇమాద్ అల్-జులువి పేర్కొన్నారు. దుమ్ము తుఫానుతో దేశంలోని వాతావరణ పరిస్థితులు తీవ్రంగా ప్రభావితమయ్యాయి. దీని కారణంగా కొన్ని ప్రాంతాలలో దృశ్యమానత 500 మీటర్ల కంటే తక్కువకు చేరింది. దానితో పాటు గంటకు 60 కిలోమీటర్ల కంటే ఎక్కువ వేగంతో కూడిన చురుకైన గాలులు వీచాయి.