దుబాయ్: గూగుల్ ప్రచురించిన మోస్ట్ పాపులర్ భవనంగా బుర్జ్ ఖలీఫా ఎంపికైంది. స్ట్రీట్ వ్యూ విభాగంలో ఈ ఘనత సాధించింది బుర్జ్ ఖలీఫా.ఈఫిల్ టవర్ మరియు తాజ్ మహల్ ఆ తర్వాతి స్థానాల్లో వున్నాయి. ప్రపంచ వ్యాప్తంగా గూగుల్ సంస్థ స్ట్రీట్ వ్యూ విషయంలో చాలా జాగ్రత్తలు తీసుకుంటోంది. కొన్ని వివాదాల్ని కూడా ఎదుర్కొంది. ఆయా ప్రాంతాల్లో చిన్న చిన్న డిటెయిల్స్‌ని కూడా క్యాప్చుర్ చేసి స్ట్రీట్ వ్యూ డిజైన్ చేయడం జరిగింది. కాగా, స్ట్రీట్ వ్యూ విభాగంలో ఇండోనేసియా అగ్రస్థానంలో నిలవగా ఆ తర్వాతి స్థానల్లో అమెరికా, జపాన్, మెక్సికో, బ్రెజిల్ వున్నాయి. ఇండోనేసియా రాజధాని జకార్తా, ఎక్కువమంది వెతికిన నగరంగా రికార్డులకెక్కింది. తర్వాతి స్థానాల్లో టోక్యో, మెక్సికో సిటీ, సావ్ పాలో మరియు బ్యూనస్ ఎయిర్స్ వున్నాయి.