యూఏఈ: తనపై అభ్యంతరకర వ్యాఖ్యల్ని సోషల్ మీడియా ద్వారా చేస్తున్నాడంటూ సహచరుడపై ఓ వ్యక్తి పోలీసులకు ఫిర్యాదు చేయడం జరిగింది. పని విషయంలో తాను ఉన్నతంగా వ్యవహరించడాన్ని జీర్ణించుకోలేక, జెలసీతో తన సహచరుడు తన మీద అభ్యంతకర రీతిలో దుష్ప్రచారం చేస్తున్నట్లు బాధితుడు ఫిర్యాదు చేశారని పబ్లిక్ ప్రాసిక్యూషన్ వెల్లడించింది. బాధితుడిపై దుష్ప్రచారం తగిన ఫలితాన్నివ్వకపోవడంతో రహస్యంగా ఓ వీడియో తీసి, దాన్ని పోస్ట్ చేసి.. దాని ద్వారా కూడా దుష్ప్రచారానికి నిందితుడు తెగబడ్డాడు. ఈ కేసులో నిందితుడి నేరం రుజువైతే సంబంధిత చట్టాల ప్రకారం శిక్ష తప్పదని పబ్లిక్ ప్రాసిక్యూషన్ పేర్కొంది.