మస్కట్: దేశంలోని ప్రవాస ఉద్యోగుల నియామకానికి సంబంధించిన ఫీజులను తగ్గించాలని సుల్తాన్ హైతం బిన్ తారిక్ రాయల్ ఆదేశాలను అనుసరించి కార్మిక మంత్రిత్వ శాఖ సవరించిన ఫీజులను అమల్లోకి తెచ్చింది. ప్రవాసులకు వర్క్ పర్మిట్‌ల జారీ, పునరుద్ధరణ రెండింటికీ ఈ నిర్ణయం వర్తించనుంది. అలాగే ఒమనైజేషన్ నిష్పత్తికి కట్టుబడి ఉన్న కంపెనీలకు ఈ తగ్గింపు 85 శాతం వరకు ఉంటుంది. ఫస్ట్ క్లాస్ ప్రొఫెషన్‌లకు కొత్త వర్క్ పర్మిట్ ఫీజులు RO301 (గతంలో RO2001), అయితే కంపెనీ ఒమనిసేషన్ శాతాన్ని చేరుకుంటే రేటు RO211కి తగ్గించబడుతుంది. ప్రత్యేక, సాంకేతిక స్థానాలకు వీసా ఫీని RO251కి తగ్గించబడింది (గతంలో RO1001- OR601). కంపెనీల ద్వారా ఒమానిజేషన్ రేషియో కలిసినట్లయితే రేటు 30 శాతం తగ్గి OR176కి చేరుతుంది. నైపుణ్యం లేని ఉద్యోగాల కోసం వీసా రుసుము RO210 (గతంలో RO301)కి తగ్గించబడింది. 30 శాతం తగ్గింపు అంటే ఒమనిసేషన్ శాతాన్ని చేరుకుంటే RO141 చెల్లించాల్సి ఉంటుంది.