యూఏఈ: దేశంలో కొత్తగా అయిదు మంకీపాక్స్ కేసులను గుర్తించినట్లు ఆరోగ్య, నివారణ మంత్రిత్వ శాఖ ప్రకటించింది. అలాగే తాజాగా ఇద్దరు మంకీపాక్స్ పేషెంట్లు కోలుకున్నట్లు పేర్కొంది. ప్రయాణాలు, సమావేశాల సమయంలో అన్ని భద్రత, నివారణ చర్యలను అనుసరించాలని మంత్రిత్వ శాఖ ప్రజలను కోరింది. దేశంలోని ఆరోగ్య అధికారులు అన్ని రకాల అంటువ్యాధుల వ్యాప్తిని అరికట్టేందుకు అవసరమైన అన్ని చర్యలను తీసుకుంటున్నారని మంత్రిత్వ శాఖ వెల్లడించింది.