బహ్రెయిన్‌: బహ్రెయిన్ రాజు హమద్ బిన్ ఇసా అల్-ఖలీఫా క్యాబినెట్ పునర్వ్యవస్థీకరణను చేపట్టారు. చమురు మంత్రి షేక్ మహ్మద్ బిన్ ఖలీఫా బిన్ అహ్మద్ అల్ ఖలీఫా స్థానంలో వాతావరణ వ్యవహారాలకు దేశ రాయబారిగా ఉన్న మహమ్మద్ బిన్ ముబారక్ బిన్ దైనహ్ ను నియమించారు.ఈ పునర్వ్యవస్థీకరణలో షేక్ ఖలీద్ బిన్ అబ్దుల్లా అల్ ఖలీఫాను ఉప ప్రధానమంత్రిగా నియమించారు. అలాగే మౌలిక సదుపాయాల మంత్రి, జాయెద్ బిన్ రషీద్ అల్ జయానీ పరిశ్రమ-వాణిజ్య మంత్రిగా.. ఫాతిమా బింట్ జాఫర్ అల్ సైరాఫీ ని పర్యాటక మంత్రిగా నియమించారు. దేశ చరిత్రలో అతిపెద్ద పునర్వ్యవస్థీకరణగా ఇది నిలిచింది. మొత్తం 22 మంది మంత్రులలో 17 మందిని బహ్రెయిన్ రాజు మార్చారు. ఇందులో నలుగురు మహిళలు సహా యువ మంత్రులు కొత్త క్యాబినెట్ లో ఉన్నారు.