షార్జా: తెలుగు అసోసియేషన్ ఆధ్వర్యంలో జూన్ 18న మదర్ అండ్ చైల్డ్ టాలెంట్ షో ఘనంగా జరిగింది.మంతెన అమెరికన్  పాఠశాల, షార్జా ప్రాంగణంలో ఈ కార్యక్రమం జరిగింది.ఇందులో భాగంగా.. చిత్రలేఖనము, సంగీతం, నృత్య ప్రదర్శనలు, పలు ప్రతిభా ప్రదర్శనలు, స్నేహపూర్వక పోటీలు, బింగో తదితర ఈవెంట్లు నిర్వహించారు. మహిళలు, చిన్నారులు కూడా పెద్ద సంఖ్యలో పాల్గొన్న ఈ కార్యక్రమం తెలుగువారందరినీ ఎంతో అలరించింది. పర్వీన్, మహిళా బృందం ఇతర సభ్యులు ఈ సందర్భంగా కేక్ కట్ చేశారు.ఈ ఈవెంట్‌కు ముఖ్య అతిథిగా విచ్చేసిన వీణా ఉత్తంచందానీ(VSSS dubai అధ్యక్షురాలు) న్యాయనిర్ణేతగా వ్యవహరించారు. అంతేకాకుండా..కార్యక్రమంలో పాల్గొన్న వారికి ఉచిత వైద్య పరీక్షలు నిర్వహించారు. వైద్యులు తగు సలహాలు కూడా ఇచ్చారు.

దాదాపు 5 గంటల పాటు సాగిన ఈ కార్యక్రమం నిర్వహణలో అసోసియేషన్ మహిళా విభాగం సభ్యులు ఫ్లోరెన్స్ విమల, ఉషా దేవి ముఖ్యపాత్ర పోషించారు. అసోసియేషన్ కార్యనిర్వహక సభ్యులు లలిత, జయ తదితరులు తమ తోడ్పాటునందించి కార్యక్రమాన్ని విజయవంతం చేశారు.రెండు వందల మందికి పైగా మహిళలు పాల్గొన్న ఈ కార్యక్రమం ఆద్యంతం ఉత్సాహభరితంగా సాగింది.కార్యక్రమాన్ని విజయవంతం చేసిన అసోసియేషన్ సభ్యులకు  కార్యక్రమ నిర్వాహకులు అభినందనలు తెలియజేశారు.