కువైట్: పేకాట ఆడుతూ పట్టుబడిన పద్దెనిమిది మంది ప్రవాసులను డిపోర్టేషన్‌కు పంపారు. మళ్లీ వారు దేశంలోకి ప్రవేశించకుండా నిషేధించారు. రాత్రి వేళల్లో కొంత మంది పేకాట ఆడుతున్నారని, వారి తీరుతో తీవ్ర ఇబ్బంది పడుతున్నట్లు కొందరు పోలీసులకు ఫిర్యాదు చేశారు. సమాచారం అందుకున్న పోలీసులు నిందితులు పేకాట ఆడుతున్న అపార్ట్ మెంట్‌పై దాడి చేసి 18మందిని అరెస్టు చేశారు. గురు, శుక్రవారాల్లో సాయంత్రం అపార్ట్ మెంట్‌కు వెళ్లిన వారు రాత్రంతా పేకాట ఆడుతూ మద్యం సేవించేవారని పోలీసుల విచారణలో వెల్లడైంది. జూదగాళ్ల నుంచి 1500కు పైగా దినార్లు, పేకాట ప్యాకెట్లను స్వాధీనం చేసుకున్నట్లు పోలీసులు తెలిపారు.