యాంగ్రి యంగ్ మ్యాన్ రాజశేఖర్, క్రేజీ డైరెక్టర్ తేజ కాంబినేషన్ లో తెరకెక్కనున్న తాజా చిత్రం అహం లో రాజశేఖర్ విలన్ గా నటించనున్న విషయం తెలిసిందే. అయితే ఇటీవల రాజశేఖర్ కు, తేజకు మధ్య విబేధాలు రావడంతో ఈ చిత్రం నుండి రాజశేఖర్ తప్పుకున్నాడని, ఇక తేజ విలన్ పాత్రకోసం వేరే నటుడిని కూడా సంప్రదిస్తున్నట్లు వార్తలు వచ్చాయి.తాజాగా ఈ విషయం పై స్పందించిన రాజశేఖర్ ఆ వార్తలను ఖండించాడు.' నేను కూడా ఈ వార్తలు విన్నాను, ఇలాంటివి ఎక్కడ నుంచి మొదట పుడతాయో నాకు అర్దం కావటం లేదు.డిస్కషన్ స్టేజీలోనే ఉన్న సినిమా షూటింగ్ మొదలు కావటమేంటి...నేను తేజ...ఇంకా ఈ స్క్రిప్టు విషయమై డిస్కస్ చేస్తూనే ఉన్నాం...ఇద్దరం ఆశ్చర్యపోయాం...ఇలాంటి వార్తలు రాసేముందు దర్శకుడునో, హీరోనో ఒకసారి కన్ఫర్మ్ చేసుకుని రాస్తే మంచిది కదా' అన్నారు రాజశేఖర్.
అహం చిత్రానికి ఇంకా పూర్తి క్యాస్టింగ్ నే సెలక్ట్ చేయలేదు. అలాంటిది ఈ సినిమా మొదలై, షూటింగ్ ఆగిపోవడం లాంటి వార్తలు ఎక్కడి నుండి వస్తాయో అస్సలు అర్ధం కావడం లేదంటూ యూనిట్ వర్గాలు చెబుతున్నాయి.