బాలీవుడ్ బాద్ షా షారూఖ్ ఖాన్, తమిళ డైరెక్టర్ అట్లీతో ఓ సినిమా చేస్తున్న సంగతి తెలిసిందే. ఎప్పుడో ఈ సినిమా స్టార్ట్ అయ్యింది. కానీ, షారూఖ్ ఖాన్ ఈ మధ్య కొడుకు ఆర్యన్ ఖాన్ డ్రగ్స్ కేసుకు సంబంధించి చాలా ట్రబుల్స్ ఫేస్ చేసిన సంగతి తెలిసిందే.
ఆ ట్రబుల్స్ కారణంగానే గత కొంత కాలంగా సినిమాలూ, షూటింగులకూ దూరంగా వుండిపోయారు బాద్‌షా. ఇక, త్వరలోనే ఈ సినిమా షూటింగ్ ప్రారంభించాలని అనుకుంటున్నారట. అందుకు తగిన ఏర్పాట్లన్నీ ఇప్పటికే పూర్తయ్యాయట.

ఇంతవరకూ టైటిల్ ఫిక్స్ చేయని ఈ సినిమాకి తాజాగా ఓ టైటిల్ పరిశీలనలోకి వచ్చింది. అధికారికంగా ప్రకటించలేదు. కానీ, ‘జవాన్’ అనే టైటిల్‌ని పరిశీలిస్తున్నట్లుగా బాలీవుడ్ మీడియాలో న్యూస్ ఒకటి వైరల్ అవుతోంది.  అలాగే, మరో అదనపు అట్రాక్షన్ ఏంటంటే, ఈ సినిమాలో టాలీవుడ్ హీరో రానా దగ్గుబాటి ఓ కీలక పాత్ర పోషిస్తున్నట్టు తెలుస్తోంది.
లేటెస్టుగా రానా పాత్రని ఫైనల్ చేశారట. ఈ సినిమాలో నటించేందుకు రానా కూడా ఉత్సాహంగా వున్నాడట. కానీ, ఈ వార్తపై ఇంకా అధికారికంగా క్లారిటీ రావల్సి వుంది. రానా ఎంట్రీతో తెలుగులోనూ ఈ సినిమాపై అంచనాలు పెరిగాయి. ఇక ఈ సినిమాలో హీరోయిన్‌గా సౌత్ క్వీన్ నయనతార నటిస్తోంది.