షార్జా: జూలై 1 నుంచి ఇంధన ధరల ఆధారంగా టాక్సీ ఛార్జీలు మారనున్నాయి. జూలై 1 నుండి యూఏఈ ఇంధన మంత్రిత్వ శాఖ ప్రకటించే ఇంధన ధరల ఆధారంగా షార్జాలో టాక్సీ ఛార్జీలు పెరగడం లేదా తగ్గడం జరుగవచ్చు. ఇంధన ధరలను బట్టి ప్రతి నెలా మీటర్ ఫ్లాగ్ డౌన్ రేటును పెంచడం లేదా తగ్గించడం జరుగుతుందని షార్జా రోడ్స్ అండ్ ట్రాన్స్‌పోర్ట్ అథారిటీ (SRTA) తెలిపింది. యూఏఈ ఇంధన ధరల కమిటీ ప్రతి నెలాఖరున ఇంధన ధరలను ప్రకటిస్తుంది. గ్లోబల్ చమురు ధరలతో స్థానిక ఇంధన ధరలను సమం చేయాలని దేశం ఆగస్టు 2015లో తీసుకున్న నిర్ణయం ప్రకారం ఇది అమల్లో ఉంది. ముఖ్యంగా ఫిబ్రవరిలో రష్యా-ఉక్రెయిన్ యుద్ధం తర్వాత అంతర్జాతీయంగా ముడి చమురు ధరల పెరుగుదల కారణంగా జనవరి 2022 నుండి యూఏఈలో పెట్రోల్ ధరలు 56 శాతానికి పైగా పెరిగాయి.