దోహా: ఖతార్‌లోని ఫుడ్ డెలివరీ సర్వీస్ కంపెనీలు వేసవి కాలంలో మోటార్‌సైకిళ్లకు బదులుగా కారు ద్వారా వినియోగదారులకు ఆర్డర్‌లను డెలివరీ చేయడం ప్రారంభించాయి. దేశంలో వేసవి నెలల్లో డెలివరీ రైడర్‌లు ఉదయం 10 నుండి మధ్యాహ్నం 3:30 గంటల వరకు కార్లను మాత్రమే ఉపయోగించుకునేలా నిబంధన విధించారు. ఇది జూలై 1 నుండి అమలులోకి వచ్చింది. సెప్టెంబర్ 15, 2022 వరకు అమల్లో ఉంటుంది. ఖతార్‌లోని అనేక ఫుడ్ డెలివరీ కంపెనీలు సోషల్ మీడియాలో ఈ చర్యను స్వాగతించాయి. జూన్ 1 నుండి సెప్టెంబరు 15 వరకు బహిరంగ ప్రదేశాల్లో చట్టబద్ధమైన పని గంటలను పొడిగించిన 2021 నాటి మినిస్టీరియల్ డిక్రీ నెం. 17కు అనుగుణంగా తాజా చర్యలను తీసుకున్నట్లు సంబంధిత అధికారులు తెలిపారు. 

--రాజ్ కుమార్ వనంబత్తిన(మాగల్ఫ్ ప్రతినిధి,ఖతార్)