నందమూరి నటసింహం బాలయ్యతో అనిల్ రావిపూడి ఓ సినిమా తెరకెక్కించాల్సి వుంది. ప్రస్తుతం బాలయ్య చేస్తున్న గోపీచంద్ మలినేని సినిమా పూర్తి కాగానే, అనిల్ రావిపూడి తన ప్రాజెక్టును పట్టాలెక్కించేయనున్నాడు.

కాగా, ఈ సినిమా తల్లీ కూతురు సెంటిమెంట్‌తో రూపొందబోతోందన్న సంగతి ఆల్రెడీ అనిల్ రావిపూడి చిన్న హింట్ ద్వారా రివీల్ చేసేశాడు. బాలయ్యకు కూతురుగా ‘పెళ్లి సందడి’ భామ శ్రీ లీల నటించనుందని కూడా అధికారికంగా ప్రకటించేసిన సంగతి తెలిసిందే.
అయితే, ఈ సినిమాకి సంబంధించి తాజా అప్డేట్ ఒకటి అత్యంత విశ్వసనీయ వర్గాల ద్వారా తెలుస్తోంది. సూపర్ స్టార్ రజనీకాంత్ నటించిన ‘దర్బార్’ మూవీకి ఇది ప్రీ మేక్ అని తెలుస్తోంది. ‘దర్బార్’ లో రజనీకాంత్‌కి కూతురుగా నివేదా థామస్ నటించిన సంగతి తెలిసిందే.
తండ్రీ కూతుళ్లుగా రజనీకాంత్, నివేదా థామస్ కాంబినేషన్ చాలా బాగుందని అప్పట్లో విమర్శకుల ప్రశంసలు అందాయి. అదే తీరుగా ఇప్పుడు శ్రీలీల కూడా బాలయ్యకు కూతురుగా మంచి పేరు తెచ్చుకునేందుకు రెడీ అవుతోందని తెలుస్తోంది.

శ్రీ లీల మంచి నటి. తొలి సినిమా ‘పెళ్లి సందడి’ హిట్ కాకపోయినా, నటన పరంగా మంచి మార్కులు కొట్టేసింది. ఆ టాలెంట్‌తోనే వరుసగా అవకాశాలు కూడా పట్టేస్తోందీ కన్నడ కుట్టీ.