యూఏఈ: జూలై 6 నుంచి పది రోజుల పాటు అల్-బుర్జ్ స్క్వేర్‌ను మూసివేస్తున్నట్లు షార్జా రోడ్స్ అండ్ ట్రాన్స్ పోర్ట్ అథారిటీ ప్రకటించింది. ఎమిరేట్‌లోని రోడ్ల అభివృద్ధిని పూర్తి చేయడానికి, సామర్థ్యాన్ని పెంచడానికి అధికార యంత్రాంగం ఈ చర్యలు చేపట్టింది. జూలై 6 (బుధవారం) నుండి  జూలై 16 వరకు అల్ మినా స్ట్రీట్ నిర్వహణను పూర్తి చేయడానికి తాత్కాలికంగా రహదారిని మూసివేస్తున్నట్లు పేర్కొన్నారు.  ట్రాఫిక్ రద్దీని నివారించడానికి వాహనదారులు ప్రత్యామ్నాయ రహదారులను ఉపయోగించాలని, ట్రాఫిక్, డైరెక్షనల్ సిగ్నల్స్ ను అనుసరించాలని అధికార యంత్రాంగం కోరింది. పనుల వల్ల జరుగుతున్న అసౌకర్యానికి వాహనదారులకు అథారిటీ క్షమాపణలు చెప్పింది.