మస్కట్: సౌత్ అల్ బతినా గవర్నరేట్‌లో ప్యాక్డ్ బొగ్గును ఉత్పత్తి చేయడం కోసం పెద్ద పెద్ద అడవి కలపను కాల్చిన ఆరోపణలపై ప్రవాస కార్మికులను రాయల్ ఒమన్ పోలీసులు అరెస్ట్ చేశారు. దక్షిణ అల్ బతినా గవర్నరేట్‌లోని పర్యావరణ విభాగం, రాయల్ ఒమన్ పోలీసుల సహకారంతో పంపిణీ, అమ్మకానికి సిద్ధంగా ఉన్న ప్యాక్డ్ బొగ్గును ఉత్పత్తి చేయడానికి పెద్ద మొత్తంలో అడవి కలపను తగులబెడుతున్న ప్రవాస కార్మికులను అరెస్టు చేసినట్లు ఎన్విరాన్‌మెంట్ అథారిటీ తెలిపింది. వన్యప్రాణులను సంరక్షించడానికి ప్రతి ఒక్కరు సహకరించాలని కోరారు. నిబంధనలు ఉల్లంఘించిన వారిపై చట్టపరమైన చర్యలు తీసుకుంటామని అథారిటీ హెచ్చరించింది.