దోహా: ఖతార్ లో రోజువారీ సగటు కేసుల సంఖ్య(559) స్వల్పంగా తగ్గిందని ప్రజారోగ్య మంత్రిత్వ శాఖ వెల్లడించింది. గత ఏడు రోజుల్లో ఒక మరణం చోటుచేసుకోగా.. మొత్తం మరణాల సంఖ్య 680కి చేరుకుందని మంత్రిత్వ శాఖ పేర్కొంది. ఇదిలా ఉండగా జూలై 11న కొత్తగా 523 కేసులు నమోదు కాగా.. ఇందులో 43 మంది ప్రయాణికులున్నారు. ప్రస్తుతం 4,920 యాక్టివ్ కేసులున్నాయి. ఖతార్‌లో ఇప్పటి వరకు నమోదైన పాజిటివ్ కోవిడ్-19 కేసుల సంఖ్య 389,415గా ఉంది. ఇప్పటి వరకు కరోనా నుంచి కోలుకున్న మొత్తం కేసుల సంఖ్య 383,815. వ్యాక్సినేషన్ ప్రారంభించినప్పటి నుండి అందజేసిన మొత్తం కోవిడ్-19 వ్యాక్సిన్ మోతాదుల సంఖ్య 7,268,874 కాగా.. బూస్టర్ మోతాదుల సంఖ్య 1,796,361గా ఉంది. ప్రస్తుతం ఆసుపత్రిలో మొత్తం 80 కోవిడ్-19 రోగులు చికిత్స తీసుకుంటున్నారు. ఇందులో ఇద్దరు ఐసీయూలో చికిత్స పొందుతున్నారు.