సౌదీ: సౌదీ అరేబియాలో మొదటి మంకీపాక్స్ కేసును గుర్తించినట్లు ఆరోగ్య మంత్రిత్వ శాఖ తెలిపింది. మంకీపాక్స్ సోకిన వ్యక్తి విదేశీ పర్యటన తర్వాత రియాద్‌కు తిరిగి వచ్చాడని మంత్రిత్వ శాఖ వెల్లడించింది. ప్రస్తుతం మంకీపాక్స్ సోకిన వ్యక్తి వైద్య సంరక్షణలో ఉన్నారని మంత్రిత్వ శాఖ తెలిపింది. మంకీపాక్స్ కేసులను పర్యవేక్షించడానికి, ఎదుర్కోవడానికి మంత్రిత్వ శాఖ పూర్తిగా సిద్ధంగా ఉందని తెలిపింది. మంకీపాక్స్ కేసులను ఎలా ఎదుర్కోవాలో అధికారులు ఇప్పటికే ఆరోగ్య కార్యకర్తలకు మార్గదర్శకాలను జారీ చేశారు.