ఒకప్పుడు స్టార్‌ డైరెక్టర్ గా ఉన్న శ్రీను వైట్ల ఆగడు, బ్రూస్‌ లీ తర్వాత ఒక్కసారిగా డౌన్‌ అయ్యాడు. ఆయనతో సినిమాలు చేయాలంటేనే టాప్‌ హీరోలు భయపడే పరిస్థితి వచ్చిందని టాక్. అయితే తనలోని సత్తా ఏ మాత్రం తగ్గలేదని ఫ్రూవ్‌ చేసుకునేందుకు శ్రీను వైట్ల మెగా హీరో వరుణ్‌ తేజ్‌తో కలిసాడు. వరుణ్‌తో ఓ సూపర్‌ హిట్‌ చిత్రాన్ని తీసి తనలోని టాలెంట్‌ని నిరూపించుకునేందుకు మంచి స్క్రిప్ట్‌తో సిద్దమయ్యాడు.వరుణ్‌ తేజ్‌, శ్రీను వైట్ల కాంబినేషన్‌లో తెరకెక్కనున్న మూవీకి సంబంధించిన ప్రీ ప్రొడక్షన్‌ పనులన్నీ దాదాపు చివరి దశకు చేరగా, ఈ నెల 27న హైదరాబాద్‌లో ఈ చిత్ర పూజా కార్యక్రమాలను గ్రాండ్‌గా నిర్వహించనున్నట్టు తెలుస్తుంది. ఇప్పటి వరకు వైవిధ్యమైన సినిమాలలో నటించి మెప్పించిన వరుణ్‌ ఈ చిత్రం కోసం తన గెటప్‌ని పూర్తిగా మార్చేసుకున్నట్టు సమాచారం. వరుణ్‌ గెటప్‌కి సంబంధించి కొన్ని లుక్స్‌ ఇటీవల విడుదల కాగా, ఆ గెటప్‌ని చూసిన ఫ్యాన్స్ షాకవుతున్నారు. ఈ చిత్రంలో హీరోయిన్‌ ఎవరనేది ఇంకా కన్‌ఫాం చేయలేదు. నల్లమలపు శ్రీనివాస్ నిర్మించనున్న ఈ చిత్రానికి సంబంధించిన పూర్తి వివరాలు మే 27నే ప్రకటించనున్నట్టు టాక్‌.