ఫస్ట్ టైమ్ సమంత చేసిన స్పెషల్ సాంగ్ అది. ఊహించని విధంగా హైప్ క్రియేట్ అయ్యింది. అలాగే చాలా వివాదాస్పదమూ అయ్యింది. సినిమాకి ఆ పాట మెయిన్ అస్సెట్ కూడా అయ్యింది.
ఆ పాటే, ‘ఊ అంటావా మామా.. ఊ ఊ అంటావా మామా..’ ‘పుష్ప’ సినిమా కోసం సమంత ఈ స్పెషల్ సాంగ్‌లో నటించిన సంగతి తెలిసిందే. ఇంతకు ముందెన్నడూ లేని విధంగా ప్యాన్ ఇండియా రేంజలో ఈ స్పెషల్ సాంగ్ ఓ ఊపు ఊపేసింది.

అయితే, ఈ పాట సమంత ఒప్పుకోవడం వెనక చాలా పెద్ద రీజనే వుందట. ఆ విషయాన్ని తాజాగా సమంత ఓ ఇంటర్వ్యూలో వెల్లడించింది. ఇంతకీ ఏంటా రీజన్ అంటే.!
నాగచైతన్యతో సమంత విడాకులు తీసుకున్న కొద్ది రోజులకే ఈ పాటలో నటించే చాన్స్ వచ్చిందట సమంతకు. పాటలోని లిరిక్స్ చాలా నచ్చేశాయట. తన సిట్యువేషన్‌కి యాప్ట్ అనిపించిందట. పురుషాధిక్య సమాజంలో వారిలోని లోపాలను ఎత్తి చూపేందుకు ఈ పాట బాగా ఉపయోగపడుతుందని సమంత భావించిందట.

తనలాంటి ఓ స్టార్ హీరోయిన్ ఆ పాటలో నటిస్తేనే రీచ్ ఎక్కువగా వుంటుందని సమంత వెంటనే ఆ సాంగ్‌లో నటించేందుకు ఒప్పేసుకుందట. అలా ‘పుష్ప’లో ఆ పాట సమంత ద్వారా ప్యాన్ ఇండియా మొత్తం ఊఫు ఊపేసిందన్నమాట.