యంగ్ హీరో నిఖిల్ సిద్దార్ధ నటించిన ‘కార్తికేయ 2’ జూలై 22న ప్రేక్షకుల ముందుకు రావల్సి వుంది. అయితే, అనూహ్య కారణాల వల్ల ఈ సినిమా విడుదల వాయిదా పడింది. 
సినిమా రిలీజ్ డేట్ ఫిక్స్ చేసుకున్నాకా, ప్రమోషన్లపై దృష్టి పెట్టాలి కదా.. అందులో భాగంగానే ‘కార్తికేయ 2’ ప్రమోషన్లు మొదలయ్యాయ్. ఈ సారి ఇంకొంచెం కొత్తగా ప్లాన్ చేశారు ప్రమోషన్లు.
అందులో భాగంగానే స్పెషల్ ఇంటర్వ్యూలూ, సినిమా అప్‌డేట్స్ ఇవ్వడంతో పాటూ, సరికొత్త ఎంట్రీలు కూడా ప్లాన్ చేశారు. బుల్లితెరపై స్పెషల్ ఎంట్రీలతో ఈ సినిమాని ప్రమోట్ చేయాలనుకున్నారు.

ఈ నేపథ్యంలోనే బుల్లితెరపై ప్రసారమయ్యే ఓ పాపులర్ సీరియల్‌లో నిఖిల్ సిద్దార్డ్ ఎంట్రీ ఇవ్వబోతున్నాడు. ఈ విషయాన్ని నిఖిల్ తన ట్విట్టర్ వేదికగా ఆడియన్స్‌తో షేర్ చేశాడు.
ఈ శనివారం బుల్లితెరపై నిఖిల్ ఎంట్రీ వుండబోతోందన్న మాట. అందుకోసం ఓ భారీ యాక్షన్ ఎపిసోడ్‌ని కూడా ప్లాన్ చేశారు సీరియల్ నిర్వాహకులు. అంతా బాగానే వుంది. కానీ, పోస్ట్ పోన్ అయిన ‘కార్తికేయ 2’ ఎప్పుడు రిలీజ్ అవుతుందో. ఆగస్టులో అన్నారు కానీ, డేట్ ఇంకా ఫిక్స్ చేయలేదు.