కువైట్: నిర్లక్ష్యంగా డ్రైవింగ్ చేసిన వ్యక్తిపై అంతర్గత మంత్రిత్వ శాఖలోని సెక్యూరిటీ డిపార్ట్‌మెంట్, జనరల్ ట్రాఫిక్ డిపార్ట్‌మెంట్ చర్యలు తీసుకుంది. అతడి వాహనాన్ని స్వాధీనం చేసుకుని గ్యారేజీకి తరలించింది. అంతకుముందు సదరు వ్యక్తి ట్రాఫిక్‌కి నిబంధనలకు వ్యతిరేకంగా డ్రైవింగ్ చేసే వీడియో సోషల్ మీడియాలో వైరల్ అయింది. నిర్లక్ష్యంగా డ్రైవింగ్ చేయడం అతని ప్రాణాలకు, ఇతరుల ప్రాణాలకు ప్రమాదం కలిగించే అవకాశం ఉందని.. వాహనదారుడిని గుర్తించి అతనిపై అవసరమైన చర్య తీసుకున్నట్లు ట్రాఫిక్ డిపార్టుమెంట్ తెలిపింది.