నందమూరి హీరో కళ్యాణ్ రామ్ నటించిన ‘బింబిసార’ సినిమా ఆగస్టు 5న రిలీజ్ కానుంది. ఈ సందర్భంగా ఏర్పాటు చేసిన ప్రీ రిలీజ్ ఈవెంట్‌లో దారుణమైన విషాదం జరిగింది. ఈవెంట్ జరుగుతుండగా ఓ అభిమాని చనిపోయాడు. 

అకస్మాత్తుగా జరిగిన ఈ విషాద ఘటన వెనుక అనేక రకాల అనుమానాలు వ్యక్తమవుతున్నాయ్. అయితే, ఆనారోగ్య కారణాలతో ఆ అభిమాని చనిపోయాడని తేల్చారు. ఈ విషాద ఘటన పట్ల ‘బింబిసార’ యూనిట్ సంతాపం తెలియ చేసింది. 

కాగా, ‘బింబిసార’ సినిమా కోసం కళ్యాణ్ రామ్ చాలా కష్టపడ్డాడు. ఇంతకు ముందెన్నడూ లేని విధంగా కంప్లీట్ మేకోవర్ చూపించాడు. ప్రాచీన రాజు బింబిసారుడి కథ ఆధారంగా తెరకెక్కుతోన్న ఈ సినిమాలో బింబిసారుడి పాత్రలో రెండు వేరియేషన్స్‌లో కళ్యాణ్ రామ్ కనిపించనున్నాడు.

ఓ పాత్ర కోసం నెగిటివ్ షేడ్స్ చూపించబోతున్నాడు కళ్యాణ్ రామ్. వశిష్ట దర్శకత్వం వహించిన ఈ సినిమాని ఎన్టీయార్ ఆర్ట్స్ బ్యానర్‌లో కళ్యాణ్ రామ్ నిర్మిస్తుండగా, ‘భీమ్లా నాయక్’ భామ సంయుక్తా మీనన్ హీరోయిన్‌గా నటిస్తోంది. అలాగే, మరో ముద్దుగుమ్మ కేథరీన్ ఇంకో హీరోయిన్‌గా నటిస్తోంది.