యూఏఈ: రాబోయే మూడు రోజులపాటు కొన్ని ప్రాంతాల్లో భారీ వర్షాలు పడతాయని జాతీయ వాతావరణ కేంద్రం (NCM)  హెచ్చరించింది. ఈ మేరకు ఆరెంజ్ హెచ్చరికను జారీ చేసింది. నివాసితులు అధికారులు జారీ చేసే సలహాలను పాటించాలని సూచించింది. NCM ఇతర ప్రాంతాలకు కూడా ఎల్లో అలర్ట్‌లను జారీ చేసింది. అబుదాబి పోలీసులు కూడా భారీ వర్షాల నేపథ్యంలో వాహనదారులు జాగ్రత్తగా ఉండాలని కోరింది. దేశంలోని తూర్పు ప్రాంతాల్లో గత వారం రికార్డు స్థాయిలో వర్షపాతం నమోదైంది. ఇప్పటివరకు వరదల కారణంగా ఏడుగురు ప్రాణాలు కోల్పోయారని.. రోడ్లు దెబ్బతినడం, భారీగా ఆస్తి నష్టాలు సంభవించినట్లు NCM వెల్లడించింది.