దోహా: నివాస పరిసరాల్లో డ్రిఫ్టింగ్ చేస్తున్న కారును జనరల్ డైరెక్టరేట్ ఆఫ్ ట్రాఫిక్ విభాగం సీజ్ చేసింది. పికప్ కారు డ్రైవర్ నివాస ప్రాంతంలో డ్రిఫ్టింగ్ చేస్తూ అలజడి రేపుతున్న వీడియో సోషల్ మీడియాలో చక్కర్లు కొడుతోంది. ఈ నేపథ్యంలో అధికారులు చర్యలు చేపట్టారు. రెసిడెన్షియల్ పరిసరాల్లో వాహనం డ్రైవర్ డ్రిఫ్టింగ్ చేస్తున్న వీడియో క్లిప్‌ వైరల్ అయిందని, సదరు కారును గుర్తించి స్వాధీనం చేసుకున్నట్లు అధికారులు తెలిపారు. నిబంధనలు ఉల్లంఘించిన వారిపై చట్టపరమైన చర్యలు తీసుకోనున్నట్లు జనరల్ డైరెక్టరేట్ ఆఫ్ ట్రాఫిక్ విభాగం చేసిన ట్వీట్ లో తెలిపింది.