యూఏఈ: రెసిడెన్సీ వీసా కోసం తప్పనిసరిగా ఆరు మెడికల్ టెస్టులు
- August 06, 2022యూఏఈ: యూఏఈ వచ్చే ప్రవాసులకు ప్రభుత్వం కొత్త షరతు విధించింది.రెసిడెన్సీ వీసా కోసం తప్పని సరిగా ఆరు మెడికల్ టెస్టులు చేయించుకోవాల్సి ఉంటుందని ప్రకటించింది.ఈ నేపథ్యంలో యూఏఈ డిజిటల్ గవర్నమెంట్ (DGOV) తన అధికారిక వెబ్సైట్లో పూర్తి వివరాలను తెలియజేస్తూ కీలక ప్రకటన చేసింది.విదేశాల నుంచి వచ్చే నాన్-ఎమిరాతీలకు కొత్త రెసిడెన్సీ వీసా లేదా వీసా రెన్యూవల్ కోసం ఆరు వైద్య పరీక్షలు ఉంటాయని తన ప్రకటనలో పేర్కొంది.వీటి ద్వారా పూర్తి ఆరోగ్యంగా ఉన్నట్లు తేలిన తర్వాతే రెసిడెన్సీ వీసా తదుపరి ప్రాసెస్ చేయడం జరుగుతుందని స్పష్టం చేసింది. విదేశీయులు వర్క్/రెసిడెన్సీ పర్మిట్లు పొందాలంటే వారికి హెచ్ఐవీ, టీబీతో పాటు ఇతర అంటువ్యాధులేవీ ఉండకూడదని డీజీఓవీ (DGOV) తెలియజేసింది.
ఇక ఇళ్లలో పనిచేసే గృహ కార్మికులు, డ్రైవర్లతో పాటు రెస్టారెంట్, కేఫ్లు, సెలూన్స్, బ్యూటీ పార్లలు, హెల్త్ క్లబ్స్లో పనిచేసే వారికి తప్పని సరిగా సిఫిలిస్, హెపటైటిస్ బీ నెగెటివ్గా ఉండాలని పేర్కొంది.అలాగే మహిళా గృహ కార్మికులకు ప్రెగ్నెన్సీ టెస్టులో నెగెటివ్ రావాలని తెలిపింది. కాగా, 2016లో ఆ దేశ క్యాబినెట్ ఆమోదించిన తీర్మానం ప్రకారం రెసిడెన్సీ వీసాలను పునరుద్ధరించే సమయంలో నివాసితులందరూ టీబీ స్క్రీనింగ్ చేయించుకోవడం తప్పనిసరి అనే విషయం తెలిసిందే.టీబీ యాక్టివ్ ఉన్నవారికి లేదా డ్రగ్-రెసిస్టెంట్ టీబీ ఉన్నవారికి షరతులతో కూడిన ఫిట్నెస్ సర్టిఫికేట్ జారీ చేస్తారు.అలాగే కేవలం ఏడాది గడువుతో మాత్రమే నివాస వీసా జారీ చేయబడుతుంది.ఆ తర్వాత వారు యూఏఈలో చికిత్స చేయించుకోవాల్సి ఉంటుంది.
ఈ సందర్భంగా డిజిటల్ గవర్నమెంట్ (DGOV) మరికొన్ని కీలక సూచనలు చేసింది. కొన్ని ఉద్యోగాలకు అకడమిక్ సర్టిఫికేట్లు తప్పనిసరి అని పేర్కొంది.ఇక యూఏఈ చట్టం పర్యాటక లేదా టూరిజం పర్మిట్ కింద వేతనం కోసం లేదా లేకుండా పని చేయడాన్ని నిషేధిస్తుంది. ఇలాంటి సందర్భంలో కార్మికుడు లేదా పని కల్పించిన యజమాని నేరస్థుడిగా నిర్ధారణ అయితే దేశ బహిష్కరణ, జరిమానా ఉంటాయని వివరించింది.
తాజా వార్తలు
- షార్జాలో విషాదం.. లాక్ చేసిన కారులో ఏడేళ్ల చిన్నారి మృతి
- ఫుజైరాలో వైల్డ్ క్యాట్ పట్టివేత.. ఓనరుకు భారీ జరిమానా
- కువైట్ టవర్ టిక్కెట్ల ఫోర్జరీ.. ప్రవాసికి 7 ఏళ్ల జైలుశిక్ష
- టూరిజం ప్యాకేజీలను ఆవిష్కరించిన ఒమన్
- సోదరుడిని కత్తితో చంపిన యువకుడికి 15ఏళ్ల జైలుశిక్ష
- దుబాయ్ టాక్సీలో వస్తువులు మర్చిపోతే ఏం చేయాలి?
- ఐదోసారి రష్యా అధ్యక్షుడిగా పుతిన్..
- ఎయిర్ ఇండియా ఎక్స్ప్రెస్ విమాన సర్వీసులు రద్దు
- వేములవాడ ఆలయంలో ప్రధాని మోడీ ప్రత్యేక పూజలు
- బహ్రెయిన్ స్కూళ్లల్లో ఇంగ్లిష్ లో సైన్స్, మ్యాథ్స్ బోధన