మస్కట్: క్రాఫ్ట్ ఇన్‌స్టిట్యూట్‌లు, క్రాఫ్ట్ తయారీ సంస్థల వ్యాపార లైసెన్స్‌కు దరఖాస్తు చేసుకోవడానికి చివరి తేదీని స్మాల్ అండ్ మీడియం ఎంటర్‌ప్రైజెస్ డెవలప్‌మెంట్ అథారిటీ పొడిగించింది. ఆగస్టు 20 లోపు రిజిస్ట్రేషన్ చేసుకోవచ్చని అథారిటీ పేర్కొంది. ఈ మేరకు అథారిటీ తన ట్విట్టర్ ఖాతాలో పోస్ట్ చేసిన లింక్ ద్వారా దరఖాస్తులు సమర్పించాలని హస్తకళాకారులు, క్రాఫ్ట్ ఇన్‌స్టిట్యూషన్‌లకు పిలుపునిచ్చింది. దేశ వ్యాప్తంగా 9,092 క్రాఫ్ట్ ఇన్‌స్టిట్యూట్‌లు, క్రాఫ్ట్ తయారీ సంస్థలు ఉన్నట్లు అథారిటీకి చెందిన కైస్ బిన్ రషీద్ అల్ టోబి తెలిపారు. అలాగే ఒమన్ సుల్తానేట్‌లో రిజిస్టర్ చేయబడిన హస్తకళాకారులు 23 వేల మంది ఉన్నారని చెప్పారు.