యూఏఈ: అబుదాబిలో ఆగ‌స్ట్ 14-18 మధ్య తేలికపాటి నుండి భారీ వర్షాలు ప‌డే అవ‌కాశం ఉంద‌ని వాతావ‌ర‌ణ శాఖ అంచ‌నా వేస్తోంది. ఉష్ణోగ్రత తగ్గుదలతో ఏర్ప‌డ్డ‌ క్యుములస్ మేఘాల కార‌ణంగా వ‌ర్షాలు ప‌డే అవ‌కాశం ఉంద‌న్నారు. భారీ వ‌ర్షాల నేప‌థ్యంలో భద్రతా మార్గదర్శకాలను విడుద‌ల చేసింది. వ‌ర్షాల వేళ వాహ‌న‌దారులు వేగ పరిమితులకు కట్టుబడి ఉండాలని సూచించింది. వర్షం పడుతున్నప్పుడు వర్షపు ప్రవాహాలు, లోయలు, వర్షపు నీటి కొలనుల నుండి దూరంగా ఉండాల‌ని పేర్కొంది. సముద్రం అల్లకల్లోలంగా ఉంటుంద‌ని, అధిక ఆటుపోట్ల సమయంలో, బీచ్కి వెళ్లోద్ద‌ని సూచించింది. అధికారిక మార్గాల ద్వారా మాత్రమే  వ‌చ్చే వాతావరణ సూచనలను అనుసరించాల‌ని కోరింది. నేషనల్ ఎమర్జెన్సీ క్రైసిస్ అండ్ డిజాస్టర్స్ మేనేజ్మెంట్ అథారిటీ (NCEMA) రాబోయే వాతావరణ పరిస్థితులను ఎదుర్కోవటానికి దాని సంసిద్ధతను చర్చించడానికి వివిధ విభాగాలతో అత్యవసర సమావేశాన్ని ఏర్పాటు చేసింది.