రియాద్: జెడ్డా ఇస్లామిక్ పోర్ట్ ద్వారా 2,250,000 యాంఫెటమైన్ మాత్రలను అక్రమంగా తరలించే ప్రయత్నాన్ని సౌదీ అరేబియాలోని భద్రతా అధికారులు అడ్డుకున్నారని జనరల్ డైరెక్టరేట్ ఆఫ్ నార్కోటిక్స్ కంట్రోల్ (జిడిఎన్‌సి) తెలిపింది. జిడిఎన్‌సి ప్రతినిధి మేజర్ మహ్మద్ అల్-నుజైదీ మాట్లాడుతూ.. మ్యాప్ లలో యాంఫెటమైన్ మాత్రలు దాచిపెట్టి రవాణా చేస్తున్నారని తెలిపారు. జకాత్, పన్ను, కస్టమ్స్ అథారిటీ సమన్వయంతో వాటిని స్వాధీనం చేసుకున్నట్లు పేర్కొన్నారు. ఈ కేసుకు సంబంధించి రియాద్‌లో నివాసం ఉంటున్న సిరియన్ జాతీయుడిని పట్టుకుని పబ్లిక్ ప్రాసిక్యూషన్‌కు పంపినట్లు అల్-నుజైదీ తెలిపారు.