యూఏఈ: ఎమిరేట్‌లో ప్రయాణిస్తున్న సమయాల్లో వాహనాల్లోని చెత్తను రోడ్లపై, ప్రజా సౌకర్యాలపై విసిరినందుకు అబుదాబిలో మొత్తం 162 మంది వాహనదారులకు జరిమానా విధించారు. 2022 మొదటి ఆరు నెలల్లో వాహనాల నుంచి వ్యర్థాలను రోడ్డుపై వేస్తూ పలువురు డ్రైవర్లు  పట్టుబడ్డారని అబుదాబి పోలీసులు తెలిపారు. డ్రైవింగ్ చేస్తున్నప్పుడు వ్యర్థాలను రోడ్డుపై విసిరినందుకు వారికి 1,000 దిర్హామ్ ల జరిమానాతోపాటు ఆరు బ్లాక్ పాయింట్లు విధించారు. నిర్దేశిత ప్రదేశాలలో మాత్రమే చెత్తను, వ్యర్థాలను వేయాలని అధికారులు సూచించారు. పర్యావరణ భద్రత, ప్రజారోగ్యాన్ని పరిగణనలోకి తీసుకోవాలని వాహనదారులను కోరారు. వాహనదారులు ట్రాఫిక్ నిబంధనలు పాటించాలని, వాహనాల నుంచి ఎలాంటి వ్యర్థాలు వేయకుండా ప్రయాణికులను హెచ్చరించాలని డ్రైవర్లకు సూచించారు.