ఆగస్టు 1 నుంచి సినిమా షూటింగులు బంద్ చేసిన సంగతి తెలిసిందే. నిర్మాతలకు సంబంధించిన కొన్ని సమస్యలు నెరవేర్చుకునేందుకే ఇలాంటి నిర్ణయం తీసుకుంటున్నామంటూ కొందరు నిర్మాతలు కలిసి ఈ నిర్ణయం తీసుకుంటున్నట్లుగా తెలిపారు.
అలా గత నెల రోజులుగా సినిమా షూటింగులు బంద్ అయ్యాయ్. అయితే, కొన్ని షూటింగులు యథాతథంగానే జరిగడం, వివాదాల్లోకెక్కడం కూడా జరిగింది. అయితే, షూటింగులు బంద్ చేయడం వల్ల నిర్మాతలు అనుకున్నది సాధించారా.? ఏమో వాళ్లకే తెలియాలి.
నెల రోజులు షూటింగుల బంద్ కారణంగా ఏ నిర్మాతలైతే నష్టపోతున్నామన్నారో, ఎవరైతే ఫలానా సమస్యలున్నాయంటూ రచ్చకెక్కారో.. వాళ్లకేం నష్టం కలగలేదు. సరికదా.. పెద్దగా ఒరిగిందేమీ లేదు. కానీ, సన్నా చిన్నకారు కార్మికులు మాత్రం చాలా ఇబ్బందులు ఎదుర్కోవాల్సి వచ్చింది.
రెక్కాడితే కానీ, డొక్కాడని కార్మికులు ఎందరో వున్నారు సినీ ఇండస్ర్టీలో. అలాంటి వాళ్ల పరిస్థితేంటీ.? ఎప్పుడూ వాళ్లకే నష్టం. కానీ, దాన్ని అర్ధం చేసుకున్నదెవరు.? ఇదే నిరసన సో కాల్డ్ నిర్మాతలు షూటింగులు ఆపకుండా కూడా చేయొచ్చు.  
కానీ, అలా జరిగలేదు. సరే, ఈ నష్టం పూడ్చేదెవ్వరు.? మొత్తానికి సాధించింది ఏమున్నా లేకపోయినా, సెప్టెంబర్ 1 నుంచి యథా తధంగా షూటింగులు మొదలు కానున్నాయట. అదీ సంగతి.