‘జాతిరత్నాలు’ సినిమాతో దర్శకుడిగా పేరు తెచ్చుకున్న అనుదీప్, సినిమా సక్సెస్ అవ్వడంతో విమర్శకుల ప్రశంసలు అందుకున్నాడు. ఇండస్ర్టీ దృష్టిని గట్టిగా ఆకర్షించేశాడు. వెంటనే రెండో సినిమాగా ‘ప్రిన్స్’ అనే సినిమాని పట్టాలెక్కించాడు. ఆ సినిమా అలా అలా నడుస్తుండగానే, తన సొంత కథతో తన అసిస్టెంట్‌ని డైరెక్టర్‌గా దించేశాడు. ఈయనే తప్పటడుగులు వేస్తున్న డైరెక్టర్. అలాంటిది మళ్లీ తన అసిస్టెంట్‌ని డైరెక్టర్‌గా పరిచయం చేయడం అంటే అదో పెద్ద సాహసమే అనాలి.
ఇంతకీ మనోడు దించిన కొత్త డైరెక్టర్ చేసిన సినిమా ఏంటో తెలుసా.? ‘ఫస్ట్ డే ఫస్ట్ షో’. టైటిల్ బాగుంది. సినిమాకి ప్రమోషన్స్ కూడా ఓ రేంజ్‌లో చేశారు. అదేనండీ ‘మెగా’ లెవల్లో చేశారు. ఏకంగా మెగాస్టార్ చిరంజీవినే తమ సినిమా ప్రమోషన్లకు పట్టుకొచ్చేశారు. ఈ సినిమా ఈవెంట్‌లో భాగంగానే కంటెంట్ రిచ్ మూవీస్ గురించీ, జనాలు ధియేటర్లకు రావడం గురించీ, అప్ కమింగ్ డైరెక్టర్ల టాలెంట్ గురించి. ఇలా పలు రకాల ఆసక్తికరమైన వ్యాఖ్యలు చేశారు మెగాస్టార్ చిరంజీవి. 
చిరంజీవి వ్యాఖ్యలయితే ఇండస్ర్టీలో సంచలనమయ్యాయనుకోండి. ఎందుకంటే ఆయన మెగాస్టార్. మరి, మనోడు అనుదీప్ సంగతేంటీ.? ఆయన బాధ్యత తీసుకున్న ‘ఫస్ట్ డే ఫస్ట్ షో’ సినిమా సంగతేంటీ.? సినిమా టైటిల్‌లో వున్నట్లే ‘ఫస్ట్ డే ఫస్ట్ షో’ కే ధియేటర్ నుంచి లేచిపోయింది ఈ సినిమా. ‘జాతిరత్నాలు’ రేంజ్‌లో సినిమా హిట్ అవుతుందనుకున్నారు. కానీ, సీను రివర్స్ అయ్యింది. అనుదీప్ ‘జాతిరత్నాలు’ సినిమాతో తెచ్చుకున్న ఫేమ్ అంతా ఈ సినిమాతో పోగొట్టుకున్నట్లయ్యింది. మరి, ఆ ఫేమ్ మళ్లీ తిరిగి తెచ్చుకోవాలంటే, మనోడు నెక్స్‌ట్ ఏం చేస్తాడో లెట్స్ వెయిట్ అండ్ సీ.!