వాట్సాప్‌లో తన భర్త తనను అవమానపర్చాడని ఆరోపిస్తూ బహ్రెయిన్‌కి చెందిన ఓ మహిళ విడాకుల కోసం ఫిర్యాదు చేయగా, ఆమె అభ్యర్థన తిరస్కరణకు గురయ్యింది. 'వర్జిన్‌' కాదంటూ వాట్సాప్‌లో ఆ మహిళను ఆమె భర్త వేధింపులకు గురిచేశాడు. ఆమె తరఫు న్యాయవాది సుహా అల్‌ ఖర్జాజి తన క్లయింట్‌ ఆవేదన నేపథ్యంలో ఆమె కోరిక మేరకు డివోర్స్‌ ఇవ్వాలని విజ్ఞప్తి చేయడం జరిగింది. బాధితురాలి పరిస్థితి దయనీయంగా ఉందని ఆమె తరఫు న్యాయవాది న్యాయస్థానానికి తెలియజేశారు. బాధితురాలు, ఆమె భర్త, అతని తల్లి ఒకే గది ఉన్న ఇంట్లో నివసిస్తున్నారు.