కాన్పూర్‌: నిండా పదేళ్లు కూడా నిండని ఓ చిన్నారి ప్రధానమంత్రి నరేంద్రమోదీకి లేఖ రాసింది. అది కూడా ఏవైనా సమస్యల గురించా అంటే కానే కాదట. ప్రధాని మోదీ పాలనను మెచ్చుకుంటూ ఉత్తరప్రదేశ్‌కు చెందిన ఓ చిన్నారి లేఖ రాసింది.కాన్పూర్‌కు చెందిన అదితి అనే చిన్నారి ప్రధానమంత్రి నరేంద్రమోదీకి లేఖ రాసింది. ప్రభుత్వ పథకాలు, పాలనపై ఈ లేఖలో ప్రశంసల జల్లు కురిపించింది. దేశ ప్రజల కోసం ఎన్నో పథకాలు ప్రారంభిస్తున్న ప్రధానికి కృతజ్ఞతలు తెలిపింది. అయితే ఈ చిన్నారి ఉత్తరానికి ప్రత్యుత్తరం కూడా వచ్చిందట. ఓ మీడియాకు ఇచ్చిన ఇంటర్వ్యూలో అదితి ఈ విషయాన్ని తెలిపింది. తనకు ప్రధానమంత్రి కార్యాలయం నుంచి థాంక్యూ అంటూ లేఖ వచ్చిందని.. అందుకు చాలా సంతోషంగా ఉందని చెప్పింది. భవిష్యత్తులో మోదీ పథకాలపై మరిన్ని లేఖలు రాస్తానని చెబుతోంది అదితి.